Өвөрмөц хоолой, хэлэх гэснээ шулуухан хэлчихдэг Никитоны Бачка уран бүтээлээ хийгээсэй хэмээн олон фенүүд нь хүсдэг. Харин үүний хариуд Бачка "Би чанарыг эрхэмлэдэг болохоор өдөр болсон болоогүй уран бүтээл гаргахыг хүсэхгүй байна" хэмээдэг. Гэвч саяхнаас Никитоны фенүүдийг баярлуулахаар 2 мэдээлэл сонсогдох боллоо.

Эхнийх нь "Никитон" хамтлаг ирэх дөрөвдүгээр сард тоглолтоо хийхээр бэлтгэж байгаа гэнэ. Хэдэн жилийн турш тайзан дээр гараагүй тус хамтлагийнхны хувьд энэ бол яах аргагүй баяртай мэдээ. Харин хоёрдах нь тус хамтлагийн дуучин Бачка буюу Батчулуун загвар өмсөгч бүсгүйтэй дэр нэгджээ.

Рок попынхны шинэ жилээр анх удаа дагуулж ирсэн эл бүсгүйг хэн юм бол хэмээн нэлээд олон таавар дэвшүүлсэн. Энэ таавар тайлагджээ. Тэрбээр загвар өмсөгч бөгөөд хос хоёр саяхан үрийн зулай үнэрлэсэн гэнэ.