0
Нийгмийн ардчилал Монголын эмэгтэйчүүдийн холбооноос “Хөгжлийн төлөө миний мөрөөдөл” эссэ бичлэгийн уралдааныг 2011 оны 12 дугаар сарын таванд үндэсний хэмжээнд зарласан билээ.
Энэхүү уралдааны шилдгүүд өчигдөр Тусгаар тогтнолын ордны хурлын танхимд шагналаа гардаж авлаа. Эх орныхоо хөгжлийн төлөө өөрийн санаа бодлоо эссэ бичлэгийн хэлбэрээр илэрхийлсэн хот, хөдөөгийн 250 гаруй оролцогч уралдаанд материалаа ирүүлжээ.
Шагнал гардуулах арга хэмжээний үеэр дээрх уралдааныг зохион байгуулсан УИХ-ын гишүүн, МАН-ын дэргэдэх НАМЭХ-ны ерөнхийлөгч Д.Оюунхорол “Улс эх орныхоо төлөө иргэн таны оруулах хувь нэмэр, үзэл бодлыг олон нийт, мөн шийдвэр гаргагчдад хүргэх зорилгоор “Хөгжлийн төлөө миний мөрөөдөл” эссэ бичлэгийн уралдаан зарласан. Энэхүү уралдаанд хот, хөдөөгийн 250 гаруй иргэн оролцож, монгол хүний сайхан амьдрах нөхцөл боломж, чадварыг дээшлүүлэхэд оюун ухаанаа чилээн байж өөрийн санаа бодлоо илэрхийлж байгаад зохион байгуулагчид бид бүхэн баяртай байна.
Малаа маллаж буй хөдөөгийн малчин, сурах мэдэх хүсэлдээ хөтлөгдсөн оюутан залуус, үйлдвэрлэл, үйлчилгээ эрхэлдэг иргэд, өрх толгойлон гэр бүлээ авч яваа ээжүүд, төрд алба хашиж буй хүмүүс гээд бүгд л хөгжлийн төлөө санаа бодлоо илэрхийлж, илүү сайхан амьдрах нөхцөлийг зөв бүрдүүлэхээс хөгжил эхэлдэг гэж тэд хүлээж сууна.
Жирийн ард түмний бодит амьдралд тохиолдсон явдал, бизнес эрхэлж явахад тулгарч буй бэрхшээл болон та бүхний гэгээн өөдрөг хүсэл мөрөөдлийг эмхэтгэн товхимол болгон олон нийтэд, төр засгийн удирдлагуудад хүргэхэд бэлэн болсныг дуулгахад таатай байна” гэсэн юм.
Уралдаанд оролцогсдыг “Хөгжихийн тулд мөрөөдөж, шинээр мөрөөдөхийн тулд хийж бүтээцгээе” эссэгээрээ “Отгонтэнгэр” их сургуулийн дөрөвдүгээр курсийн оюутан У.Амарбат тэргүүлж, нэг сая төгрөгийн эзэн болсон. Хоёрдугаар байрыг Төв аймгийн Зуунмод сумын “Хүмүүн” цогцолбор ахлах сургуулийн захирал Монгол Улсын зөвлөх багш Г.Чогдонхорлоо, МУИС-ийн гуравдугаар курсийн оюутан Т.Хандсүрэн нар эзэлж, тус бүр 800 мянган төгрөг гардан авсан.
Гуравдугаар байрыг “Хадгаламж” банкны Дэнжийн мянга дахь салбарын теллер Б.Буянжаргал, КУДС-ийн нэгдүгээр курсийн оюутан Т.Болор-Эрдэнэ, Булган аймгийн Сайхан сумын хоёрдугаар багийн иргэн Д.Ганцолмон нар эзэлж, тус бүр 500 мянган төгрөгөөр шагнуулсан юм. Тусгай байрыг Сүхбаатар аймгийн Баруун-Урт сумын хоёрдугаар багийн иргэн Л.Халтар, Ховд аймгийн Боловсрол соёлын газрын мэргэжилтэн Б.Анхбаяр, Сэлэнгэ аймгийн Мандал сумын “Билиг” дунд сургуулийн 11а ангийн сурагч Б.Бат-Оргил, Баянгол дүүргийн зургаадугаар хорооны иргэн Т.Лхагваа нар эзэлж, тус бүр 300 мянган төгрөг гардан авсан бол тусгай дэд байрт ахмад зохиолч Ц.Ням-Осор, Баянзүрх дүүргийн 48 дугаар дунд сургуулийн 11б ангийн сурагч Ц.Энхманлай нар шалгарч, тус бүр 100 мянган төгрөгийн эзэн боллоо.
“Хөгжлийн төлөө миний мөрөөдөл” эссэ бичлэгийн уралдааныг хэрхэн, ямар шалгуураар шүүн явуулсан талаар ерөнхий шүүгч, Доктор, Профессор Б.Галиндэв “Энэхүү эссэ бичлэгийн уралдаанд бүтээлээ ирүүлсэн нийт ард иргэдийн маань 80 гаруй хувь нь Улаанбаатар хотоос оролцсон бөгөөд орон нугагт сууж буй Булган, Дархан, Төв, Завхан, Өмнөговь, Дундговь, Хөвсгөл, Говьсүмбэр, Баянхонгор аймгуудын ард иргэд идэвхитэй оролцсон байна. Уралдааны сэдэв өргөн байсан учраас олон сайхан бүтээл ирсэн. Бид нэгдүгээрт, хөгжлийн гарцыг хэрхэн оновчтой харсан эсэх, хоёрдугаарт, түүнийгээ эссэ бичлэгийн хэлбэрээр уран илэрхийлж чадаж байна уу гэсэн шалгуурыг гол болгосон. Эссэний уралдаанд нийгмийн янз бүрийн давхарга, олон өөр мэргэжлийн хүмүүс орсон учраас нийгмийн янз бүрийн бүлэг давхаргын санаа бодлыг илэрхийлсэн гэж ойлгож байна.
Энэ уралдаанд шалгарсан бичлэгүүдийг шийдвэр гаргагчдад хүргэх талаар НАМЭХ анхаарч ажиллана гэсэн. Тиймээс энэхүү эссэ бичлэгийн уралдаан үүргээ биелүүлсэн гэж бодож байна” гэв.
Манай сонин дээрх уралдаанд мэдээллийн ивээн тэтгэгчээр оролцсон бөгөөд шилдгээр шалгарсан эссэнүүдээс уншигч та бүхэндээ хүргэх болно.
2012.01.31
Энэхүү уралдааны шилдгүүд өчигдөр Тусгаар тогтнолын ордны хурлын танхимд шагналаа гардаж авлаа. Эх орныхоо хөгжлийн төлөө өөрийн санаа бодлоо эссэ бичлэгийн хэлбэрээр илэрхийлсэн хот, хөдөөгийн 250 гаруй оролцогч уралдаанд материалаа ирүүлжээ.
Шагнал гардуулах арга хэмжээний үеэр дээрх уралдааныг зохион байгуулсан УИХ-ын гишүүн, МАН-ын дэргэдэх НАМЭХ-ны ерөнхийлөгч Д.Оюунхорол “Улс эх орныхоо төлөө иргэн таны оруулах хувь нэмэр, үзэл бодлыг олон нийт, мөн шийдвэр гаргагчдад хүргэх зорилгоор “Хөгжлийн төлөө миний мөрөөдөл” эссэ бичлэгийн уралдаан зарласан. Энэхүү уралдаанд хот, хөдөөгийн 250 гаруй иргэн оролцож, монгол хүний сайхан амьдрах нөхцөл боломж, чадварыг дээшлүүлэхэд оюун ухаанаа чилээн байж өөрийн санаа бодлоо илэрхийлж байгаад зохион байгуулагчид бид бүхэн баяртай байна.
Малаа маллаж буй хөдөөгийн малчин, сурах мэдэх хүсэлдээ хөтлөгдсөн оюутан залуус, үйлдвэрлэл, үйлчилгээ эрхэлдэг иргэд, өрх толгойлон гэр бүлээ авч яваа ээжүүд, төрд алба хашиж буй хүмүүс гээд бүгд л хөгжлийн төлөө санаа бодлоо илэрхийлж, илүү сайхан амьдрах нөхцөлийг зөв бүрдүүлэхээс хөгжил эхэлдэг гэж тэд хүлээж сууна.
Жирийн ард түмний бодит амьдралд тохиолдсон явдал, бизнес эрхэлж явахад тулгарч буй бэрхшээл болон та бүхний гэгээн өөдрөг хүсэл мөрөөдлийг эмхэтгэн товхимол болгон олон нийтэд, төр засгийн удирдлагуудад хүргэхэд бэлэн болсныг дуулгахад таатай байна” гэсэн юм.
Уралдаанд оролцогсдыг “Хөгжихийн тулд мөрөөдөж, шинээр мөрөөдөхийн тулд хийж бүтээцгээе” эссэгээрээ “Отгонтэнгэр” их сургуулийн дөрөвдүгээр курсийн оюутан У.Амарбат тэргүүлж, нэг сая төгрөгийн эзэн болсон. Хоёрдугаар байрыг Төв аймгийн Зуунмод сумын “Хүмүүн” цогцолбор ахлах сургуулийн захирал Монгол Улсын зөвлөх багш Г.Чогдонхорлоо, МУИС-ийн гуравдугаар курсийн оюутан Т.Хандсүрэн нар эзэлж, тус бүр 800 мянган төгрөг гардан авсан.
Гуравдугаар байрыг “Хадгаламж” банкны Дэнжийн мянга дахь салбарын теллер Б.Буянжаргал, КУДС-ийн нэгдүгээр курсийн оюутан Т.Болор-Эрдэнэ, Булган аймгийн Сайхан сумын хоёрдугаар багийн иргэн Д.Ганцолмон нар эзэлж, тус бүр 500 мянган төгрөгөөр шагнуулсан юм. Тусгай байрыг Сүхбаатар аймгийн Баруун-Урт сумын хоёрдугаар багийн иргэн Л.Халтар, Ховд аймгийн Боловсрол соёлын газрын мэргэжилтэн Б.Анхбаяр, Сэлэнгэ аймгийн Мандал сумын “Билиг” дунд сургуулийн 11а ангийн сурагч Б.Бат-Оргил, Баянгол дүүргийн зургаадугаар хорооны иргэн Т.Лхагваа нар эзэлж, тус бүр 300 мянган төгрөг гардан авсан бол тусгай дэд байрт ахмад зохиолч Ц.Ням-Осор, Баянзүрх дүүргийн 48 дугаар дунд сургуулийн 11б ангийн сурагч Ц.Энхманлай нар шалгарч, тус бүр 100 мянган төгрөгийн эзэн боллоо.
“Хөгжлийн төлөө миний мөрөөдөл” эссэ бичлэгийн уралдааныг хэрхэн, ямар шалгуураар шүүн явуулсан талаар ерөнхий шүүгч, Доктор, Профессор Б.Галиндэв “Энэхүү эссэ бичлэгийн уралдаанд бүтээлээ ирүүлсэн нийт ард иргэдийн маань 80 гаруй хувь нь Улаанбаатар хотоос оролцсон бөгөөд орон нугагт сууж буй Булган, Дархан, Төв, Завхан, Өмнөговь, Дундговь, Хөвсгөл, Говьсүмбэр, Баянхонгор аймгуудын ард иргэд идэвхитэй оролцсон байна. Уралдааны сэдэв өргөн байсан учраас олон сайхан бүтээл ирсэн. Бид нэгдүгээрт, хөгжлийн гарцыг хэрхэн оновчтой харсан эсэх, хоёрдугаарт, түүнийгээ эссэ бичлэгийн хэлбэрээр уран илэрхийлж чадаж байна уу гэсэн шалгуурыг гол болгосон. Эссэний уралдаанд нийгмийн янз бүрийн давхарга, олон өөр мэргэжлийн хүмүүс орсон учраас нийгмийн янз бүрийн бүлэг давхаргын санаа бодлыг илэрхийлсэн гэж ойлгож байна.
Энэ уралдаанд шалгарсан бичлэгүүдийг шийдвэр гаргагчдад хүргэх талаар НАМЭХ анхаарч ажиллана гэсэн. Тиймээс энэхүү эссэ бичлэгийн уралдаан үүргээ биелүүлсэн гэж бодож байна” гэв.
Манай сонин дээрх уралдаанд мэдээллийн ивээн тэтгэгчээр оролцсон бөгөөд шилдгээр шалгарсан эссэнүүдээс уншигч та бүхэндээ хүргэх болно.
2012.01.31
